都唔知係開心定係唔開心.......

呢几日有D開心既事,亦都有開心既事......

開心既呢...

就係我前日又見到我表妹---晴晴,

佢又得意咗啦,

仲有,我呢排學既數都比較easy,

所以都唔係咁緊張,

另外,我數學既小測有17分,20分係滿分,

我發覺原來我係得嫁!!

咁唔開心既野,我都唔係好想講,

廢事我再傷心過!!

                                  澄天

                        今日,我都唔係訓到好晏,

大約都係8點左右就起咗....

            不過依家就好眼訓啦......

好講番先,我之前星期六考既果一個YBT合格...

               好開心,但係我地218之中就有3個唔合格,

佢地就要去再考,不過個結果係點,我都仲未知......

之後,我就同melody(呢一度係講我個friend).,

                    一齊去反啦,我地就去咗又一城,

                                 日日都會經過既地方,

就去睇下戲咁,我好仲意同佢一齊行街嫁!!

因為佢好似我咁,一定會行書店既,

                 我好仲意去又一城果間"page one",

果度有好多書,書既總類都多嫁...

                           所以我就係仲意去果度啦.......

之後我地又落咗去taste度行下,

         我地就好啱key咁一齊買咗D野食....

                    之後我地兩個都好開心咁番咗屋企啦.......

咁我又過咗一個好開心既週末啦~~

          希望黎緊既呢一個禮拜都會過得好好啦!!

                                   澄天

                       今日係我番學既last　ｄａｙ，

可能你會覺得我既挑戰就咁過咗啦，但係唔係牙！！

　　聽日先至係挑戰既開始！！

　聽日，一番學，就係要學琵琶啦，

但係我淨係會上１／４堂．．．．

　　　　　唔好以為我去”蛇王”，

　　　　只不過聽日我要上紅十字會總部考一個叫

”紅十字會基本知識”（ＹＢＴ）既試姐，

　　　　　如果我考完呢一個試，

咁我７月既時候，就可以宣誓啦！！ｈｅ　ｈｅ～

　　　　　　　　　所以呢．．．

今晚我就要好努力”咪”書啦．．．．

真係有本書叫”紅十字知識”嫁！！

　　　　３月６號果個比賽真係令到我好緊張．．．．

我一定要好好好好努力啦！！

　　　　　　加油牙！！

　　　　　澄天！！

　　　　　　你一定得嫁！！

　　　　　　信心增加中既澄天
 

                     尋日,我已經番番學,我好開心....

其實都係因為几件事既,

第一件事呢,就係....

我之前參加既果一個都市設計比賽入咗圍,真係好開心,

第二就係呢几日個個都對我好好,

尢其係D老師,咁之後又係,

我尋日既中史小測啱咗9題,好開心.....

咁仲有3月6號就係我比賽既大日子,

我呢排日日都有練習,我真係好想攞到好既成績,

其中一個原因係唔想令到我miss失望,

我覺得佢一路都係睇好我既,

雖然佢無講到出口,但係我都feel到,

ＯＲ係我自己咁琳嫁啦．．．．．

不過點都好，我都會訓曬身去練！！！

加油加油ＧＯ～ＧＯ～ＧＯ～

　　　　　　　　　　　　　　　澄天

                   唔制牙!!!

          尋日我先至計劃好呢兩日做D咩,

今日就病咗啦...

                唔係,應該講係尋日我系學校,

林放學既時候,我就開始發燒,

               之後番到屋企就簡直行都行唔到...

                           好暈@@ 

 尋晚好彩我媽媽睇住我,佢真係唔話得,

                尋晚仲每3個中就叫我起身食藥,

 今朝佢又同我去睇醫生,所以我依家好番好多.,

         但我我個頭仲係"發"下"發"下咁....

       仲係溫溫鄧鄧....真係好惡頂!!!

識我既人都知道我最憎病,因為我病親都係番唔到學,

                  今日又無得番學,

希望老師無教新既野啦,

             如果唔係我真係要搭火箭先追得上啦....

               希望我聽日會好番啦,

         因為我聽日仲要番學幫手嫁!!!

             希望一定會好番!!

                          澄天

                    今晚,我去睇咗一套我想睇好內既戲,

                               <<魔法奇緣>>,

呢一套戲真係好好睇.....

戲入面既女仔又靚......

                       D 3真係好"公主"唔睇就真係走寶啦......

我本來睇呢一套戲,

                    就覺得果王子好型,

             但係睇下睇下,比個劇情影響咗,

   我就覺得呢一個Patrick Dempsey 柏德烈丹斯,

                          好靚仔,其實我就真係比果一D內容吸引住,

入面塑造佢成為一個

                         現實,感性,成熟既現代事業形既男人....

真係好man啊!!!!

 之後仲有個女主角:

        Amy Adams 愛美雅當絲,

佢唱歌好好聽,真係好有感染力,

                 令到所以睇佢唱歌既人都好著迷

呢一首係我系套戲內最仲意既一首歌 

                                        澄天

                         今日係大年初一,本應日係好開心既一日,

不過我就好黑仔既一個,

               真係中六合彩都無咁好彩啦!!

      咁件事就係咁既,

         今日,我就一早過咗啊公度既

                    之後我就去咗洗杯啦,

                           咁就開水,

一開水,

本來只係一條好小既水柱慢慢既樣流出黎,

          但係,我一路睇就一路覺得好唔對路啦~~

                 之後你估都估唔到

        有好大支水柱射番出黎!!!!!!!

                             help!!!!

                       真係又咁啱啊公屋企又真係無人,

    無人救我~~

                好慘啊!!

                            之後我就係咁由佢射出黎,

           我就周圍咁穩個水制,琳住sick咗佢,

                            但係穩黎穩去都穩唔到,

                   但係就攪到我自己成身都濕曬!!!!

之後我呢一個叫天不應.叫地不聞既小女孩

                    就唯有打電話比我老豆,

佢就叫我穩一氣大毛巾塞住先,

我咪照做囉,之後就一定係有人黎救我嫁啦~~

               真係唔知攪邊科,年初一就攪單咁既野!!

      都唔知今年仲有D咩險!!

                                 不過算啦~~

祝大家新年快樂啦~~

                                  澄天

                        今日,係大年初一,個個人都會去拜年....

而我呢,係呢一個時候我至啱啱起身,

              事關,我尋日好夜先訓,成2點几,

         (可能對你地黎講只係好早,

           但係因為我之前果几日都無咩點訓~~)

                         尋日朝早,

   我就同啊yan去咗睇<<CJ&>>咁就OK攪笑啦~~

                 不過我想睇既其實係<<魔法奇緣>>

之後又係番屋企食我既團年飯,

但係我就有D唔係咁舒服啦~~

                                    所以正係食咗D白飯,

之後又同melody(我表姑姐)去咗維園度行花市,

       好迫啊!!!!!

          我又去咗附近既一間麥當當..食野,

(天音:麥當當囉!!!笑x人啦~~你仲細咩?!)

                                         (x=新年唔講得)*

         (澄天:我仲意啊!!)

                            因為我真係好肚餓啊!!

           跟住,我睇住個電話,

          等佢12點鐘既果一刻,我就打咗比啊yan,

       祝佢新年快樂,

佢仲問我:

     點解你咁準時既,我一睇完電視倒數你就即刻打比我,

你係唔係睇緊電視??

                     咁我又緊係唔係啦~~

試問有邊一個年青人出街會帶埋部電視嫁??

  我就真係好開心,因為我係第一個打比啊yan既人!!^-^

本來我地就琳住睇埋戲,

                      但係就因為無曬飛,所以我先要番屋企!!

不過我真係好開心啊~~

                   祝大家新年快樂...

                                      事事如意!!

                                   澄天

                呢几日,其實發生咗好多野,

好似,

我派咗成績表,

比咗賽,

尋日開咗D.M(區會),

同埋我織緊一條頸巾咁. . .

好啦~~我都知你地會一頭水嫁啦,

等我一件一件咁樣同你地講啦~~

好,

第一件,係我派咗成績表咁啦,

都算几好,但係我就都係唔滿意,

我系班就考第12,全級就考第37,

咁至於比較好成績既就有三科:

中文:全級第16,

中史:全級第4,

同埋家政:全級第13,

都算好啦,

但係D主科就死曬....hahaha. ..

不過我下一次一定會努力D啦~~

第二,就係我果個都市設計比賽,

其實我地都好努力嫁啦,

但係都係唔好,咁我地都唔會唔開心既,

呢一次咪當攞一個經驗囉!!!,

第三,我尋日就一早上咗紅十字會總部,

上去開區會,但係,真係好悶,坐系到,聽佢講. ..

help!!!!!

之後,我就同melody(我表姑姐)一齊去買3,

都買咗一件好靚既3,

我地又去咗毛線既店買線去織頸巾. . ..

希望系假期完之前可以完成啦.. . .

一陣間,我又要上總部,幫218填番D表,

之後今晚就同媽媽去"飲".....希

望呢一個假期真係會開心啦~~

祝各位新年快樂!!!

                                  澄天